Səbaildə ictimai-iaşə obyektlərinin monitorinqi aparılır. Bu haqda 12 aprel tarixində APA məlumat verib.
Səbail rayonu ərazisində yerləşən ictimai iaşə obyektlərində İcra Hakimiyyəti, Fövqəladə Hallar Nazirliyi Dövlət Yanğın Nəzarəti Xidməti, Səbail Rayon Polis İdarəsi və “Azəriqaz” İstehsalat Birliyinin məsul nümayəndələri gücləndirilmiş nəzarət tədbirlərinə başlayıblar.
Monitorinqlər zamanı ictimai iaşə obyektlərinin mətbəx və digər sahələrində qaz balonları və digər qızdırıcıların, elektrik təsərrüfatının, havalandırma və digər sistemlərin vəziyyətinə baxış keçirilir. Tədbirlər nəticəsində bir neçə obyektdə qaz balonlarından istifadə edilməsi, rezin və digər materiallardan hazırlanan şlanqlar vasitəsilə çəkilən qaz xətlərinin olması faktları müəyyən edilib.
Müəyyən edilmiş nöqsanlar aradan qaldırılıb və aşkarlanmış pozuntularla bağlı dərhal qanuna uyğun tədbirlər görülüb.
Təhlükəsizliklə bağlı sahibkarlarla və işçi heyəti ilə maarifləndirici söhbətlər aparılıb.
[URIS id=40329]
