Paytaxtın Səbail rayonunda əmək yarmarkası keçiriləcək. Bu haqda bu gün, 27 mart tarixində Bakuplus.az rayon İcra Hakimiyyətinə istinadən xəbər verir.
İşaxtaran və işsiz şəxslərə müvafiq inzibati ərazi vahidi üzrə mövcud olan vakant iş yerləri haqqında məlumat verilməsi üçün “Park Inn by Radisson Baku” mehmanxanasında əmək yarmarkası keçiriləcək. Təkliflər 18-60 yaş arası vətəndaşlar üçün nəzərdə tutulub.
Tədbir 30 mart saat 10:00-13:00 arası baş tutacaq. Ünvan: Səbail rayonu, Azadlıq prospekti 1.
