Səbail rayon sakinləri şəhərin mərkəzinə daxil olmaqda problem yaşayırlar. Bu haqda 1 iyun tarixində Bakuplus.az ARBTV-yə istinadən xəbər verir.
Bu gün səhər saatlarından etibarən yol polisi Su İdman Sarayı istiqamətindən Azneft dairəsinə doğru hərəkətdə olan avtomobillərin qarşısını kəsərək, geriyə, 20-ci sahə istiqamətinə hərəkət etməyə göstəriş verib. Həmin ərazidən şəhərin mərkəzinə yalnız marşrut avtobuslarının hərəkətinə icazə verilib. Azneft dairəsinə gedən yolun bağlanması sürücülərin narazlığına səbəb olub.
Formula 1 Qran Prisi yarışının keçirilməsinə çox az bir müddət qalıb. Bununla əlaqədər, paytaxtın mərkəzi küçə və prospektlərində beton maneələr qoyulub. Məhz bu maneələrin qoyulması mərkəzi küçələrdə hərəkətlə bağlı süni sıxlıq yaşanmasına səbəb olub. Hal-hazırda bir neçə ərazidə zolaqlar, qoyulmuş maneələrin hesabına daralıb.
Bakı-Salyan yolunun 14-cü kilometri, yəni Lökbatan dairəsi, eləcə də 20-ci sahə və Bayıl qəsəbəsinin daxili yolları ilə Mehdi Hüseyn küçəsi istiqamətində hərəkət müəyyənləşdirilib.
Lakin sürücülər bu alternativ yola girmək üçün küçəbəküçə dolaşmağa məcburdular. Səbəb isə alternativ deyilən ən yaxın yolun da bağlı olmasıdır. 20-ci sahə ərazisində Badamdara gedən yol hər iki tərəfdən beton maneələr ilə bağlıdır. Həmin yol sürüşmə olandan sonra bir müddət bağlı saxlanılmışdır, sonradan isə istifadəsinə icazə verilmişdir. Lakin Azneft yolu ilə bərabər, dünənə qədər açıq olan bu yol da bağlanıb. Nə Bakı şəhər DYP, nə AAYDA, nə də Səbail rayon İH bu yolun bağlanma səbəbinin açıqlamasını verməyib.
Alternativ kimi təqdim olunan digər variant isə Lökbatan dairəsinə qayıdıb kənar dairəvi yol ilə şəhərə daxil olmaqdır.
[URIS id=46725]
[video width="1920" height="1080" mp4="https://bakuplus.az/storage/photos/2022/06/nariman-3.mp4"][/video]
