Ötən gün Bakı Dairəvi yolunda baş vermiş ağır yol qəzası ilə bağlı bəzi təfərrüatlar məlum olub. Bu haqda bu gün, 15 mart tarixində Bakuplus.az məlumat verir.
Sükanın arxasında olan 32 yaşlı Namiq Seyidov kobud şəkildə manevretmə qaydasını pozduğunu etiraf edib.
"İşə çox vaxt həmin yolla gedirəm və oradakı radarların yerini bilirəm. Radara çatanda sürəti azaldıb sonra yenidən artırıram. Nə yalan deyim? O yolda demək olar heç kim avtomobili 120 km/saatdan aşağı sürətlə idarə etmir. Sadəcə mənim ağılsızlığım orda oldu ki, yük maşınını sağdan keçdim. Keçməsəm, düz yol ilə gedirdim", - Seyidov deyib.
Qəzada təhlükəsizlik kəməri sayəsində sağ qaldığını vurğulayan sürücü sərnişinin də təhlükəsizlik kəmərini taxacağı halda, bəlkə də, heç nəyin olmayacağını ehtimal edib.
Verilən məlumata görə, Namiq Seyidov və mərhum sərnişin, Özbəkistan vətəndaşı Sabina Maqerramova iş yoldaşları olublar. Həmin gün onlar “Sədərək” ticərət mərkəzinə üz tutublar. Sürücü avtomobili yüksək sürətlə idarə edərək təhlükəli manevrlər edib. Nəticədə avtomobil idarəetmədən çıxaraq yolun ortasındakı metal arakəsmələrə çarpılaraq aşıb. Qadın zərbənin təsirindən ön şüşəni sındıraraq yolun əks tərəfinə düşüb və yerindəcə ölüb.
Maqerramova uzun illər Bakıda yaşayıb, burada ailə qurub. Onun iki azyaşlı övladı yadigar qalıb.
[video width="592" height="640" mp4="https://bakuplus.az/storage/photos/2023/03/f966026cff516cf65248109412753b34.mp4"][/video]
