Sərnişinə nömrə verən avtobus sürücüsü ilə bağlı qərar verilib. Bu haqda bu gün, 18 mart tarixində Bakuplus.az Baku.ws-ə istinadən xəbər verir.
60 nömrəli avtobusun sürücüsü yaxınlıqda əyləşən qadın sərnişinə nömrəsini verməyə çalışıb. Həmin an kamera ilə lentə alınaraq sosial şəbəkələrdə paylaşılıb.
Bu vəziyyət izləyicilər tərəfindən birmənalı qarşılanmayıb.
Avtobusun məxsus olduğu "BUS TRANS" MMC-nin direktoru Qalib Salahov sürücü ilə bağlı tədbir görüldüyünü qeyd edib.
“Biz onu inzibati qaydada cəzalandırmışıq. O, sərnişinə qarşı çox sərt şəkildə hörmətsizlik və tərbiyəsizlik edib. Biz bunu şiddətli şəkildə qınayırıq, tənqid edirik və qəbul etmirik. Vətəndaş bu barədə şikayət etməkdə haqlıdır. Bu səbəblə də biz inzibati qaydada ona cəza tətbiq etmişik", – deyə o bildirib.
[video width="1080" height="1080" mp4="https://bakuplus.az/storage/photos/2024/03/sequence-032.mp4"][/video]
