Bakıda və Abşeron yarımadasında hava şəraitinin qeyri-sabit davam edəcəyi gözlənir. Bu haqda bu gün, 13 dekabr tarixində Bakuplus.az Milli Hidrometeorologiya Xidmətinə istinadən məlumat verir.
Verilən məlumata görə, Bakıda və Abşeron yarımadasında bəzi yerlərdə arabir yağıntılı olacağı gözlənilir. Bəzi ərazilərdə yağışın intensivləşəcəyi ehtimalı var. Axşama doğru tədricən kəsiləcək.
Dekabrın 13-dən 14-nə keçən gecə Abşeron yarımadasının, əsasən, şimalında qısa müddətə yağışın sulu qarla qarışıq yağma ehtimalı var. Mülayim şimal küləyi əsəcək.
Havanın temperaturu gecə 3-5 dərəcə isti, gündüz 5-7 dərəcə isti olacaq. Atmosfer təzyiqi normadan yüksək, 766 mm civə sütunu olacaq. Nisbi rütubət 80-85 faiz olacaq.
