TƏBİB Bakının Sabunçu klinik xəstəxanasında ölən xəstə ilə bağlı açıqlama verib. Bu haqda bu gün, 2 avqust tarixində Bakuplus.az Bizim.Media-ya istinadən xəbər verir.
58 yaşlı Elxan Xələfov 29 iyul tarixində Kliniki Tibbi Mərkəzə gətirilib. Müayinədən sonra xəstəyə baldır sümüyünün çoxparçalı sınığı diaqnozu qoyulub və əməliyyat təyin olunub. O, əməliyyata hazırlanarkən tromboemboliya əlamətləri özünü göstərib və vəziyyəti pisləşib.
Xəstədə təngnəfəslik, soyuq tər, huşun itməsi müşahidə olunub. Ona dərhal narkoz vurublar, süni tənəffüs aparatına qoşublar və ürək döyüntülərini bərpa etməyə çalışıblar. Tibbi müdaxilələrə baxmayaraq, Xələfov orada vəfat edib.
Ölümün dəqiq səbəbi aparılacaq patoloji-anatomik müayinə nəticəsində aydınlaşacaq.
