Bu gün səhər saatlarında Azərbaycanda baş verən zəlzələ ilə bağlı brifinq keçirilib. Bu haqda bu gün, 7 dekabr tarixində Bakuplus.az Report-a istinadən məlumat verir.
AMEA nəzdində Respublika Seysmoloji Xidmət Mərkəzinin baş direktoru Qurban Yetirmişlinin sözlərinə görə, zəlzələ 50 saniyə davam edib. Həmçinin zəlzələdən sonra 5 afterşok qeydə alınıb.
Yetirmişli onu da qeyd edib ki, özü təkanları hiss etməyib.
“Zəlzələyə görə təşvişə düşməyə ehtiyac yoxdur. Çünki bu gün baş verən zəlzələ güclü olmayıb”, – deyə mərkəzin rəhbəri qeyd edib.
Onun sözlərinə görə, qeydə alınan afterşoklar nəticəsində enerji boşalmaları gedib: “Bu da o deməkdir ki, yenidən həmin dərəcədə təkanlar gözlənilmir, günün sonuna qədər də azalmalar müşahidə olunacaq. Bu gün sadəcə bəzi ərazilərdə, əsas da çoxmərtəbəli yaşayış binalarında zəlzələ hiss olunub”.
