“İST Petrol” yanacaqdoldurma məntəqəsi ilə bağlı məsələyə aydınlıq gətirilib. Bu haqda bu gün, 12 aprel tarixində Bakuplus.az Report-a istinadən xəbər verir.
“SOCAR Petroleum” bildirib ki, sözügedən məntəqənin çəninə su sızdığı məlum olub.
“Yaranmış texniki problem səbəbindən “SOCAR Petroleum” QSC sürücülərə dəymiş bütün maddi məsuliyyəti öz üzərinə götürür", – deyə qurum qeyd edib.
11 aprel 2024-cü il tarixində “İST Petrol” MMC-yə məxsus Əhmədli filialındakı yanacaqdoldurma məntəqəsindən bir neçə saat ərzində yanacaq dolduran sürücülərin problemlər yaşadıqları qeyd olunmuşdu.
“Hər bir sürücü ilə fərdi qaydada danışıqlar aparılıb. Onların problemləri dinlənilib və həmin problemlərin qısa müddətdə aradan qaldırılacağı bildirilib”, – deyə qurum bildirib.
