Baş prokuror Kamran Əliyev Suraxanı rayonunda vətəndaşlarla görüş keçirəcək. Bu haqda bu gün, 9 mart tarixində Bakuplus.az Baş Prokurorluğa istinadən xəbər verir.
Görüş martın 15-də saat 10:00-da Suraxanı rayon prokurorluğunun inzibati binasında baş tutacaq. Qəbulda sakinlər rayonun prokurorluq orqanlarının fəaliyyətinə aid məsələlərlə bağlı konkret müraciət və şikayətlərini bildirə bilərlər.
Vətəndaşlar qəbulla bağlı Suraxanı rayon prokurorluğuna yazılı və ya şifahi müraciət etməklə yanaşı, Baş Prokurorluğun (012) 361-14-07 nömrəli və Bakı şəhər prokurorluğunun (012) 361-02-44 nömrəli telefonları, eləcə də contact@prosecutor.gov.az elektron poçt ünvanı və prokurorluğun sosial şəbəkələrdəki səhifələri vasitəsilə qəbula yazıla bilərlər.
