Paytaxtın Suraxanı rayonu, Hövsan qəsəbəsində valideynlərini itirdikdən sonra bacı və iki qardaş acınacaqlı vəziyyətdə yaşayırlar. Bu haqda 3 dekabr tarixində Bakuplus.az BakuTV-yə istinadən xəbər verir.
“Anası şirkətdə işə düzəlmişdi, yəni qonşuların vasitəsilə xahiş elədim ki, onu ora işə düzəltsinlər. Elə bil kömək elədim. Üstündən üç ay işlədi orada, sonra evə dönəndə maşın vurmuşdu. Şirkət maşınından düşüb evə getmək istəyəndə qaranlıqda onu maşın vurmuşdu. O vaxtdan uşaqlar təkdirlər. Yəni elə bilirəm ki, onun ölməyində günahkar mənəm. Uşaqların ata tərəfdən heç kimi yoxdu, ana tərəfdən var, onlar da rayondadırlar”, - deyə qonşu Firəngiz Hüseynova bildirib.
Uşaqların anaları dünyasını dəyişdikdən sonra onun çalışdığı şirkət onlara yardım adı ilə kömək etməyə gəlir. Evin tavanını düzəltməyə çalışırlar, lakin işi yarımçıq qoyub gedirlər. Otaq o qədər soyuqdur ki, uşaqlar hər gün bu otaqda yatmalı olurlar. Qızınmaq üçün odun peçindən istifadə edirlər.
Evin böyük oğlu bildirdi ki, bütün yük onun üzərindədir və daimi işi yoxdur. Gündüz fəhlə kimi çalışıb, özündən kiçik bacı və qardaşına baxır. Bacı və 16 yaşlı qardaş isə Peşə Məktəbində təhsil alırlar.
[URIS id=81638]
