Yanvarın 15-də Bakı şəhəri, Binəqədi rayonu, A.Kunanbayev küçəsinin yaxınlığında sexdə partlayışla əlaqədar TƏBİB-nin tabeliyindəki tibb müəssisələrində 10 nəfərin müalicəsi davam etdirilir. Bu haqda bu gün, 19 yanvar tarixində Bakuplus.az TƏBİB-yə istinadən məlumat verir.
Hazırda Nərimanov Tibb Mərkəzinin nəzdində olan Yanıq Mərkəzində müalicə alan 9 nəfərdən 3-nün vəziyyəti ağır stabil, 6 nəfərin vəziyyəti isə orta ağır olaraq qalır.
Kliniki Tibbi Mərkəzin müvafiq şöbələrində isə 1 nəfərin müalicəsi davam etdirilir, 2 nəfər ambulator müalicə üçün evə buraxılıb.
Ərazidə baş vermiş partlayış və yanğın nəticəsində 9 nəfər həlak olub, 24 nəfər müxtəlif xəsarətlər alıblar. Faktla bağlı cinayət işi açılıb.
