Xəzər rayonu, Türkan qəsəbəsində idman zalının açılışı olub. Bu haqda bu gün, 10 fevral tarixində Bakuplus.az Gənclər və İdman Nazirliyinə istinadən xəbər verir.
Sözügedən idman zalının binasında yarışların və məşqlərin keçirilməsi üçün 100 tamaşaçı oturacaqlı universal idman zalı, eləcə də güləş, cüdo, taekvondo, boks, karate, aerobika məşqlərin keçirilməsi üçün kiçik zallar mövcuddur. Həmçinin idman zalı zəruri idman avadanlıqları və digər inventarlarla təchiz edilib. Eyni zamanda binada soyunma-geyinmə, duş, inzibati və köməkçi otaqlar mövcuddur.
Bundan əlavə, ərazidə idman alətləri ilə təchiz edilmiş açıq havada trenajor, şahmat və basketbol meydançaları quraşdırılıb.
Açılış mərasimində Gənclər və İdman naziri Fərid Qayıbov və nazir müavini Mariana Vasileva iştirak ediblər.
[URIS id=129235]
