Paytaxtda həyət evlərinin qiymətlərində bahalaşmanın müşahidə olunduğu iddia edilir. Bu haqda bu gün, 13 fevral tarixində Modern.az məlumat verir.
Türkiyədə baş vermiş dəhşətli zəlzələ ölkəmizdəki əmlak bazarına da öz təsirini göstərir. Alıcılar yeni tikililərin təhlükəli olduğunu düşünərək, həyət evləri ilə maqarlanırlar. Onlar bildirirlər ki, ötən həftə ilə müqayisədə qiymət artımı yaşanır.
Məsələ ilə bağlı “MBA" konsaltinq və qiymətləndirmə şirkətinin baş direktoru Nüsrət İbrahimov açıqlama verib:
“Həyət evlərini alanların sayında hələ çoxluq müşahidə edilmir. Ona görə də qiymət təzyiqi normadadır. Bu sahədə üstünlüyün olması üçün müəyyən müddət, təxminən bir-iki ay keçməlidir ki, biz onu hiss edə bilək. Bazarda hələlik axın görünmür. Onu da qeyd edim ki, son günlər ərzində bina evlərini satıb həyət evi almaq istəyənlərə rast gəlməmişik”.
Ekspertlər isə hesab edirlər ki, qarşıdakı illərdə vətəndaşlar daha çox həyət evlərindən mənzil almağa üstünlük verəcəklər.
