Azərbaycan Güləş Federasiyası rüşvət xəbəri ilə bağlı açıqlama verib. Bu haqda bu gün, 13 aprel tarixində Bakuplus.az federasiyaya istinadən xəbər verir.
Bildirilir ki, Frank Çamizo məğlubiyyətlə barışmayaraq ağır ittiham irəli sürüb. Bununla bağlı UWW Turan Bayramov və Frank Çamizo arasındakı görüşün hakim idarəçiliyini araşdırmağa başlayıb və yaxın günlərdə müvafiq qərar veriləcək.
“Çamizo "Duty to report" qaydalarına əsasən, belə bir rüşvət təklifinin olması ilə əlaqədar dərhal etiraz protokolunda öz qeydlərini etməli idi. İndi ya o öz iddiasını sübuta yetirməli, ya da bu iddianın əsassız olduğunu bildirməlidir. Biz Çamizonun bu ittihamına qarşı hüquqi addımlar atacaq və Dünya Güləş Birliyinə rəsmi qaydada müraciət edəcəyik”, – deyə federasiyadan qeyd edilib.
5-7 apreldə Milli Gimnastika Arenasında keçirilən yarışda ümumilikdə 36 atlet Paris–2024-ə lisenziya qazanıb. Onlardan 5-i Azərbaycan təmsilçiləri olub.
