Uzun müddət “Azərbaycanfilm” kinostudiyasında çalışan prodüser dünyasını dəyişib. Bu haqda bu gün, 27 yanvar tarixində APA məlumat verib.
Dünyasını dəyişən tanınmış şəxs Azər Əkbərovdur. Bu barədə onun oğlu Emil Əkbərov özünün sosial şəbəkə hesabında paylaşım edib.
Əkbərov 29 sentyabr 1960-cı ildə Bakıda anadan olub. O, Azərbaycan Dövlət Mədəniyyət və İncəsənət Universitetində təhsil alıb. “Lal”, “Təbəssüm”, “Qanun naminə”, “Qorxma, mən səninləyəm” kimi məşhur ekran işlərində direktor, kastinq direktoru və koordinator kimi çalışıb.
