Ukraynanın tanınmış jurnalisti və teleaparıcısı Katerina Solyar Alyona Əliyevaya qarşı aparılan qaralama kampaniyası ilə bağlı paylaşım edib.
Bakuplus.az-ın insanoid.com-a istinadən məlumatına görə, o bildirib ki, Odessada onun Alyona xanım ilə ortaq tanışları var və həmin şəxslər internetdə səsləndirilən mənfi iddiaların əsassız və yalan olduğunu qeyd ediblər.
Katerina Alyona xanımı dəstəkləyərək vurğulayıb ki, özü də son zamanlar dezinformasiya kampaniyasının hədəfi olub.
"Alyona Odessanın Fontan küçəsində yerləşən Humanitar Universitetində təhsil alıb, oranı qırmızı diplomla bitirib. Fransız və ingilis dillərini bilir, iki uşaq anasıdır… Və bütün bunlara baxmayaraq, Azərbaycan Prezidentinin oğlu ilə ailə qurduğu üçün ictimai tənqidlərə məruz qaldı", – jurnalist öz Instagram səhifəsindəki videoda deyib.
Eyni zamanda Ukraynanın aparıcı "Telegram" kanalları da Katerina Solyarının sözügedən videosunu yayırlar.
Qeyd edək ki, keçən həftə ölkənin bir neçə məşhur bloqeri internetdə qadınlara qarşı edilən rəqəmsal zorakılığa qarşı çıxış ediblər. Bununla yanaşı, onlar öz hekayə bölmələrində bir müddətdir sosial şəbəkələrdə qaralama kampaniyasının hədəfinə çevrilən Alyona Əliyevanı dəstəkləyiblər.
