Prezident seçkiləri ilə bağlı universitetlərdə seminarlar keçirilir. Bu haqda bu gün, 15 yanvar tarixində Bakuplus.az Report-a istinadən xəbər verir.
Növbədənkənar prezident seçkilərində ilk dəfə səs verəcək tələbələr üçün seçki hüququ ilə bağlı maarifləndirici seminarlar təşkil olunur.
27 dekabr 2023-cü il tarixindən etibarən başlayan sessiyalar artıq 18 universitetdə baş tutub və 4500-dən artıq tələbəni əhatə edib. Həmin təhsil ocaqları aşağıdakı kimidir:
- Azərbaycan Memarlıq və İnşaat Universiteti;
- Azərbaycan Texniki Universiteti;
- Bakı Dövlət Universiteti;
- Bakı Mühəndislik Universiteti;
- Azərbaycan Dövlət İqtisad Universiteti;
- Azərbaycan Əmək və Sosial Münasibətlər Akademiyası;
- Azərbaycan Milli Konservatoriyası;
- Dövlət Gömrük Komitəsinin Akademiyası;
- Bakı Avrasiya Universiteti;
- Dövlət İdarəçilik Akademiyası;
- Azərbaycan Dillər Universiteti;
- Naxçıvan Dövlət Universiteti;
- Naxçıvan Müəllimlər İnstitutu;
- Mingəçevir Dövlət Universiteti;
- Azərbaycan Dövlət Pedaqoji Universitetinin Cəlilabad filialı;
- Azərbaycan Dövlət İqtisad Universitetinin Zaqatala filialı;
- Gəncə Dövlət Universiteti;
- Azərbaycan Texnologiya Universiteti.
Maarifləndirici tədbirlərin ölkə üzrə fəaliyyət göstərən ali və orta ixtisas təhsili müəssisələrində davam etdirilməsi nəzərdə tutulub.
