Bakıda hərəkətin təşkilində olan nöqsan sürücüləri çaş-baş salır.
Avtosfer.az xəbər verir ki, Rəşid Behbudov küçəsi ilə 28 May küçəsinin kəsişməsində sol zolaqdakı hərəkət istiqamətini bildirən nişanlanma xətti anlaşılmaz vəziyyətə düşüb. Buna səbəb həmin zolaqdakı nişanlanma xəttinin dəfələrlə dəyişdirilməsi olub.
Əvvəllər bu zolaqdan düzünə hərəkət təşkil edilsə də, daha sonra yalnız sola dönməyə icazə verilib. Nəticədə köhnə və yeni nişanlanma xətləri bir-birinə qarışıb. Hazırda sürücülər həmin zolaqdan düzünə getməyin mümkün olub-olmadığını dəqiq müəyyən edə bilmirlər.
