Bakının Xəzər rayonunun Şüvəlan qəsəbəsində iaşə obyektində nöqsanlar aşkarlanıb. Bu haqda bu gün, 31 iyul tarixində Bakuplus.az Qida Təhlükəsizlik Agentliyinə (AQTA) istinadən xəbər verir.
Lev Starçuk küçəsi, ev 11 m.11 ünvanında yerləşən müəssisədə keçirilən monitorinq zamanı sanitar-gigiyenik və sanitar-texniki tələblərin pozulduğu aşkar olunub. Kafenin mətbəx sahəsinin tələblərə cavab vermədiyi, havalandırma sisteminin quraşdırılmadığı, işçilər üçün soyunub-geyinmə sahəsinin ayrılmadığı, eləcə də soyuducuda korroziya əlamətlərinin olduğu, tullantı qablarının ağzı açıq şəkildə saxlandığı, qida məhsullarının və əllərin ayrıca yuyulması üçün müvafiq avadanlığın təşkil edilmədiyi aşkarlanıb.
Həmçinin iaşə obyektində işçilərin xüsusi geyimlə təmin edilmədiyi və gigiyenik təlimlərə cəlb olunmadığı müəyyən edilib.
Aşkar olunan nöqsanlarla bağlı obyekt rəhbərliyi cərimələnib və kafenin fəaliyyəti dayandırılıb.
[caption id="attachment_145287" align="alignnone" width="640"]
Foto AQTA[/caption]
