Vətən müharibəsi əlili Bakıda əməliyyat olunub. Bu haqda bu gün, 6 dekabr tarixində Bakuplus.az YAŞAT fonduna istinadən xəbər verir.
Müharibədə ayağından yaralanan Əbülfət Qurbanov “Baku Medical Plaza”da “Tibialis Posterior Tendon vətər transferi” əməliyyatı olunub. Hazırda onun vəziyyəti stabildir və yaxın vaxtlarda evə buraxılacaq.
Ə.Qurbanov Laçın istiqamətində ağır yaralanmışdı. Bakıda əməliyyat olunan qazinin səhhətində yenidən problem yarandığından o, Türkiyəyə göndərilmişdi. Xaricdə 7 əməliyyatdan sonra Bakıya geri dönmüş və son cərrahi müdaxilə Bakıda olunmuşdu.
Bütün xərclər “YAŞAT” fondu tərəfindən qarşılanıb.
