Xətai rayonunda küçəyə şəhidin adı verilib. Bu haqda bu gün, 22 iyul tarixində Bakuplus.az Xətai Rayon İcra Hakimiyyətinə istinadən xəbər verir.
Vətən müharibəsi şəhidi Rəcəb Məmmədovun adını daşıyan küçənin açılışı olub. Açılış mərasimində Xətai Rayon İcra Hakimiyyətinin məsul şəxsləri və şəhidin ailə üzvləri iştirak ediblər.
Şəhid R.Məmmədov 22 iyul 1995-ci ildə Ucar rayonunda anadan olmuşdur. O, ilk gündən könüllü olaraq cəbhəyə - döyüş bölgəsinə getmişdir. 6 oktyabr 2020-ci il tarixində Füzuli rayonunun Yuxarı Seyidəhmədli kəndi istiqamətində hücuma keçərkən şəhidlik zirvəsinə ucalmışdır. T.Məmmədov "Vətən uğrunda" və "Füzulinin azad olunmasına görə" medalları ilə təltif edilmişdir.
