Bakının Xətai rayonu, Məhəmməd Hadi, 70 ünvanında ağaclar kəsilərək ərazidən götürülüb. Bu haqda bu gün, 30 oktyabr tarixində Bakuplus.az Qafqazinfo-ya istinadən məlumat verir.
Yerli sakinlərin sözlərinə görə, gecə saatlarında ərazi hasara alınıb, içəridə qalan bir-neçə ağac kəsilib. Bundan sonra əraziyə tikinti materialları gətirilib, inşaat işlərinə start verilib.
Məsələ ilə bağlı Ekologiya və Təbii Sərvətlər Nazirliyinin (ETSN) mətbuat katibi İradə İbrahimova nazirliyin əməkdaşları tərəfindən ərazidə araşdırma aparıldığını qeyd edib.
“İlkin araşdırma zamanı beş ağacın kökündən çıxarılması təsdiq edilib. Ağaclar kökündən çıxardıldığı üçün onların növünü müəyyən etmək mümkün olmayıb. Ağacları çıxaran şəxs və ya şəxslərin kimliyinin müəyyənləşdirilməsi barədə araşdırmalar davam etdirilir”, – deyə nazirliyin rəsmisi bildirib.
[caption id="attachment_118181" align="alignnone" width="640"]
Foto Qafqazinfo.az[/caption]
