Bakının Xəzər rayonunda bir ailənin 3 üzvünü qətlə yetirməkdə təqsirləndirilən şəxsə hökm oxunub. Bu haqda bu gün, 11 mart tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin hakimi Leyla Əsgərova-Məmmədovanın qərarına əsasən, Nofəl Səfərov ömürlük azadlıqdan məhrum edilib.
Hadisə 2022-сi ilin noyabr ayında Buzovna qəsəbəsində baş verib. 83 yaşlı Elbrus Muradov, oğlu, 51 yaşlı Rahil Muradov, həyat yoldaşı, 77 yaşlı Şahirə Muradova naməlum şəxs tərəfindən kəsici alətlə qətlə yetiriliblər, nəvəsi, 25 yaşlı Elbrus Ağalarov isə bədən xəsarəti alıb.
Polis əməkdaşlarının keçirdikləri əməliyyat-axtarış tədbirləri nəticəsində N.Səfərov şübhəli şəxs qismində tutularaq istintaqa təhvil verilib.
Ona qarşı Cinayət Məcəlləsinin “İki və ya daha çox şəxsi öldürmə” və “Quldurluq, hədə-qorxu ilə tələb etməklə əlaqədar adam öldürmə” maddələri ilə ittiham irəli sürülüb.
