Bu gün Xalq artisti Faiq Ağayevin doğum günüdür.
Bakuplus.az xəbər verir ki, Faiq Ağayev 29 dekabr 1971-ci ildə Bakı şəhərində anadan olub. 1993-cü ildə Azərbaycan Dövlət Mədəniyyət və İncəsənət Universitetinin Musiqili teatr aktyoru fakültəsini fərqlənmə diplomu ilə bitirib.
O, 1988-ci ildə "Bakı Payızı–88" respublika müsabiqəsinin qalibi olmaqla peşəkar səhnəyə qədəm qoyub. Daha sonra "Xarkov–95" Beynəlxalq Retro mahnılar müsabiqəsinin və "Qızıl Şlyager" – Mogilyov–96 Beynəlxalq müsabiqəsinin qalibi olub.
1996-cı ildən Azərbaycan Dövlət Teleradio Verilişləri Şirkətinin solisti kimi fəaliyyət göstərir. Eyni zamanda, 2012–2013-cü illərdə Azərbaycan Dövlət Muğam Teatrının solisti kimi çalışıb.
2000-ci il oktyabrın 28-də Prezident Heydər Əliyevin fərmanı ilə Faiq Ağayevə "Azərbaycan Respublikasının Əməkdar artisti" fəxri adı verilib.
