Xarici İşlər Nazirliyi brifinq keçirib – əsas mövzular

Bölgədəki son vəziyyətlə bağlı Azərbaycan Respublikasında akkreditə olunmuş diplomatik korpus üçün brifinq keçirilib. Bu haqda bu gün, 20 sentyabr tarixində Bakuplus.az məlumat verir.

Brifinqdə diplomatları Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev, xarici işlər nazirinin müavini Fariz Rzayev və Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov iştirak ediblər.

Brifinqin icmalı:

Üç ilə yaxındır Ermənistan vaxt qazanmağa çalışır. Ona görə də antiterror tədbirlərinə məcbur olduq;

Qarabağdakı erməni hərbi birləşmələrinin mövcudluğu reinteqrasiyaya mane olurdu;

Azərbaycan Ordusu həssaslıqla davrandı, mülki obyektlərə zərbə endirmədi. Həmçinin bu antiterror tədbirləri zamanı Qarabağ sakinlərinin telefonlarına göndərilmiş SMS-lər vasitəsilə onlara xəbərdarlıq edilirdi ki, hərbi obyektlərdən uzaq dursunlar. Bir daha demək istəyirəm ki, antiterror tədbirləri lokal və məhdud şəkildə həyata keçirildi;

Azərbaycan Ermənistanla əlaqələrin normallaşmasına və sülhə sadiqdir;

Dünya dövlətlərinin atacağı bəzi addımlar sülh gündəliyinə mane ola bilər. “Azərbaycanın bu müraciətinin eşidiləcəyinə ümid edirəm”, – deyə Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov bildirib;

44 günlük müharibədən sonra sülh sazişi ilə bağlı təşəbbüs Azərbaycana məxsusdur, baxmayaraq ki, 30 il ərzində işğala məruz qalan tərəfdir;

Qanunsuz erməni silahlı birləşmələri sentyabrın 19-da Şuşanı ağır artilleriya ilə bombalayıblar.

Növbəti görüləcək addımlar aşağıdakılardır:

Sabahdan Yevlaxda ermənilərlə danışıqlar olacaq. Danışıq dedikdə sadəcə hüquqi sənədlər və gələcəkdə erməni əhalinin yaşaması müzakirə ediləcək;

Ermənilər Azərbaycan qanunlarına tabe olmağa davam edəcəklər. İstəməyənlər üçün dəhliz açılacaq və yola salınacaqlar. Əlavə heç bir imtiyaz olmayacaq. Azərbaycan vətəndaşı necə yaşayırsa, eyni qayda-qanunlarla onlar yaşayacaqlar;

Azərbaycan atributları Qarabağda olacaq. Heç bir qondarma rejimə aid atribut olmayacaq, Dövlət orqanlarımız təmsil ediləcəklər və separatçı rejiminin orqanları, sənədlər və s. inteqrasiya ediləcək;