Xocahəsən gölünün yaxınlığında əsas yerli bitki növlərinin yetişdiriləcəyi və su quşlarının miqrasiya məkanına çevriləcək yeni nəbatat parkının yaradılması planlaşdırılır. Bu, Bakının 2040-cı ilədək inkişafına dair Baş planında qeyd olunub. Bu haqda bu gün, 8 yanvar tarixində Bakuplus.az məlumat verir.
Qu gölü adlanan sözügedən ərazi köçəri quş populyasıyalarının məskəni siyahısına daxildir. Bu səbəbdən Xocahəsən gölünün yaxınlığında əsas yerli bitki növlərinin yetişdiriləcəyi və köçəri su-bataqlıq quşlarının miqrasiya məskəni olacaq yeni Nəbatat Parkının yaradılması nəzərdə tutulur.
Uzunmüddətli perspektivdə Lökbatan ilə Xəzər dənizi arasındakı bataqlıq əraziləri daxil etmək üçün park cənuba doğru genişləndirilə bilər.
