Bakının Cəfər Cabbarlı küçəsində hərəkət zolaqlarının təşkil edilməsi yekunlaşdırılıb. Bu haqda bu gün, 1 iyul tarixində Bakuplus.az Azərbaycan Yerüstü Nəqliyyat Agentliyinə (AYNA) istinadən xəbər verir.
Abbasqulu ağa Bakıxanov küçəsi ilə kəsişmədən Əlibəy Hüseynzadə küçəsi ilə kəsişməyə qədər avtobus zolaqlarının tələblərinə uyğun olaraq nişanlanma xətləri çəkilib və müvafiq yol nişanları quraşdırılıb.
Sözügedən küçədə 7 müntəzəm marşrut xətti üzrə 102 ümumi istifadədə olan avtobus fəaliyyət göstərir. Həmin avtobuslardan gün ərzində 75.000-dən çox sərnişin istifadə edir.
“Ümumi istifadədə olan nəqliyyat vasitələri üçün xüsusi hərəkət zolaqları şəbəkəsinin genişləndirilməsi istiqamətində digər küçə və prospektlərdə də müvafiq tədbirlər görüləcək”, – deyə AYNA bəyan edib.
