MİDA Yasamal Yaşayış Kompleksi, “Zefir” ticarət mərkəzinin yaxınlığındakı 6 hektar yaşıllıq sahəsinin bərpası, mühafizəsi və meşə parkına çevrilməsi xahişi ilə bağlı rəsmi qurumların açıqlaması məlum olub. Bu haqda bu gün, 14 iyul tarixində Qafqazinfo məlumat verib.
Rayon İcra Hakimiyyətindən bildirilib ki, həmin ərazi özəl təşkilata məxsus yerdir. Həmin ərazidə mütəmadi olaraq iməcilik keçirilsə də, buranın suvarılmaya ehtiyacı var.
Yaşıllaşdırma Təsərrüfatı Birliyindən bildirilib ki, əraziyə baxış keçirilib. Qurumun nümayəndələri də təsdiqləyib ki, suvarma işlərini aparmaq üçün su xətti çəkilməlidir. Həmçinin bildirilib ki, məsələ qaldırılıb, yaxın zamanlarda problem öz həllini tapacaq. Bundan əvvəl isə sahədə iməcilik keçiriləcək.
