Suraxanı rayonu, yeni günəşli qəsəbəsinin sakinləri deyirlər ki, səki olmadığından yola çıxmağa məcbur qalırlar.
"Xəzər Xəbər"in vatsap qaynar xəttinə müraciət edən sakinlər deyirlər ki, yolda piyada səkisi olmadığından avtomobil yoluna çıxmağa məcburdurlar. Bu isə onların həyatı üçün təhlükəlidir.
Məsələ ilə bağlı Suraxanı Rayon İcra Hakimiyyətindən "Xəzər Xəbər"ə bildirildi ki, hazırda ərazidə İri Şəhərlərin Birləşmiş Su təchizatı Xidməti tərəfindən işlər həyata keçirilir.
İşlər yekunlaşan kimi, yolda piyada səkiləri və asfalt örtüyü bərpa olunacaq.
