Paytaxtda qarşıdan gələn Yeni illə əlaqədar hədiyyə qutuları satışa buraxılıb. Lakin onların keyfiyyəti sual altındadır. Bu haqda bu gün, 18 dekabr tarixində Bakuplus.az Space News-a istinadən xəbər verir.
Mağazalarda və yarmarkaların vitrinlərində uşaqlar üçün şirniyyatlarla dolu Yeni il hədiyyələri, Şaxta Baba hədiyyələrinə bənzəyən məhsulların keyfiyyətli olub-olmaması məlum deyil.
Vətəndaşların sözlərinə görə, sözügedən şirniyyatlardan ibarət hədiyyələrin keyfiyyəti aşağıdır, məhz bu səbəbdən onları uşaqlara alıb vermək məsləhət görülmür.
“Qiymətlərimiz 2-3 manatdan başlayır və 40 manata qədər qalxır. Qutuların qiyməti keyfiyyətə görə dəyişir”, – deyə satıcı bildirib. Əlavə olaraq satıcı xaricdən gətirilən bağlantıların daha baha və daha keyfiyyətfi olduğunu vurğulayıb.
Azərbaycan Qida Təhlükəsizliyi Agentliyinin (AQTA) əməkdaşı İradə Hüseynli bildirib ki, uşaqlar üçün hədiyyə qutularının seçilməsi zamanı diqqət edilməli bir neçə məqam var.
“Əsas diqqət etməli olduğu məqam – hədiyyə qutusunun üzərindəki tarix qida məhsullarının tarixi deyil. Alıcılar hədiyyə qutusunu açarkən məhsulların hər birinin etiketlənməsinin aydın, oxunaqlı tərzdə olmasını, həmçinin onların yararlılıq müddəti, saxlanma şəraiti, istehsalçının ünvanı və s. kimi məlumatlarla ayrılıqda tanış olmalıdılar”, – deyə AQTA-nın əməkdaşı əlavə edib.
