“Yeni Klinika” tibb müəssisəsinə yeni təyinat olub. Bu haqda bu gün, 18 noyabr tarixində Bakuplus.az Report-a istinadən xəbər verir.
Gülnar Nuriyeva tibb müəssisəsinin direktor müavini və Reproduktiv sağlamlıq və ailə planlaması mərkəzinin rəhbəri vəzifəsinə təyin edilib. Bu haqda TƏBİB-nin icraçı direktoru Vüqar Qurbanov müvafiq əmr imzalayıb.
G.Nuriyeva Azərbaycan Dövlət Tibb Universitetində təhsil alıb, Onkoloji Klinikada internatura, daha sonra isə Türkiyə Cümhuriyyətinin Dokuz Eylül Universitetinin Ginekologiya və Mamalıq Kafedrası – Tibb Fakültəsində uzmanlıq keçib.
O, Türkiyə Cümhuriyyətinin Dokuz Eylül Xəstəxanasında həkim mama-ginekoloq, daha sonra qadın xəstəlikləri və doğum uzmanı olaraq Türkiyənin Iğdır şəhərində Özel Bulut Xəstəxanasında çalışıb. Bakı Sağlamlıq Mərkəzində Doğum Şöbəsinin müdiri olan Gülnar Nuriyeva daha sonra “Uniklinika” və Mərkəzi Gömrük Hospitalında həkim-ginekoloq olaraq çalışıb.
