Bakının Xətai rayonunda tikilən Zəfər parkında böyük xatirə kompleksi inşa ediləcək. Report-un məlumatına görə, bunu Prezident İlham Əliyev 2 may tarixində Bakının Sabunçu rayonunda şəhid ailələri və müharibə əlilləri üçün salınan yeni yaşayış kompleksinin açılışında deyib.
“Zəfər parkı Bakının ən möhtəşəm yerlərinin birində, bəlkə də birincisində - Dənizkənarı bulvarın önündədir. Orada böyük xatirə kompleksi inşa ediləcək. İşlərə yaxın zamanlarda start veriləcək. Hər şəhidin adı orada həkk olunacaq. Azad edilmiş bütün şəhərlərdə, hər bir şəhərdə Zəfər muzeyi, işğal muzeyi yaradılacaq. Yəni, bütün şəhidlərimizin adı əbədi yaşayacaq. O sevinci onlar bizə bəxş etdilər”, - deyə İlham Əliyev bildirib.
