Bakının Sabunçu rayonunda yerləşən “Stimul Hospital”da ölüm hadisəsi ilə bağlı Tibbi Ərazi Bölmələrini İdarəetmə Birliyi (TƏBİB) açıqlama verib. Bu haqda bu gün, 11 iyul tarixində Bakuplus.az Unikal.az-a istinadən xəbər verir.
TƏBİB-dən verilən məlumata görə, iyulun 9-da saat 02:40-da 32 yaşlı Aytən Cabbarlı təcili tibbi yardım briqadasının köməkliyi ilə ishal şikayəti ilə Sabunçu Tibb Mərkəzinin Yoluxucu xəstəliklər şöbəsinə yerləşdirilib və ona zəruri tibbi xidmət göstərilib. Daha sonra isə qadın öz istəyi ilə ambulator müalicə üçün evə buraxılıb.
A.Cabbarlı üçün özəl tibb müəssisəsindən Təcili və Təxirəsalınmaz Tibbi Yardım Mərkəzinə iyulun 9-da çağırış daxil olub və hadisə yerinə dərhal reanimasiya briqadası cəlb olunub.
Xəstənin özəl tibb müəssisəsində öncə klinik ölümü və birgə aparılan bütün reanimasiya tədbirlərinə baxmayaraq, bioloji ölümü qeydə alınıb.
