Ölkədə dekabrın 7-də baş vermiş zəlzələdən sonra Kardiologiya İnstitutuna müraciətlərin sayı artıb. Bunu Elmi-Tədqiqat Kardiologiya İnstitutunun direktoru, professor Gülnaz Dadaşova deyib. Bu haqda bu gün, 9 dekabr tarixində Bakuplus.az Bizim.Media-ya istinadən məlumat verib.
Onlarda hipertonik böhran, fobiyalardan qaynaqlanan qəfləti, miokard infarkta səbəb olacaq spazmalar müşahidə edilib.
“Müraciət edənlər müxtəlif yaş qruplarından olan 18 yaşdan yuxarı şəxslər olublar. Tələbələr, eləcə də yaşlı şəxslərdən müraciətlər olub. Beyin, ürək patologiyası olan, indiyəcən yüksək təzyiqdən şikayətlənməyən insanların təzyiqin, bir sıra insanların qəfil şəkər yaranma riskinin ortaya çıxması kimi hallar qeydə alınıb”, – Dadaşova deyib.
Həkim qeyd edib ki, ürək xəstəliklərinin artmasına səbəb olan faktorlar arasında stres, zərərli vərdişlər və enerji içkilərindən istifadə mühüm yer tutur. O, vətəndaşları ürəklərinə qarşı daha diqqətli olmağa çağırıb.
