Sabunçu rayonu, Zabrat qəsəbəsində küçələr suyun altında qalır. Bu haqda bu gün, 23 noyabr tarixində Bakuplus.az Xəzər Xəbər-ə istinadən xəbər verir.
Söhbət qəsəbənin “Kərpic zavodu” adlanan ərazisindən gedir. Belə ki, burada yağıntılar zamanı hərəkət etmək mümkün deyil. Küçələr və məhəllələr suyun altında qalır. Bəzi yerlərldə su mənzillərin döşəmələrinə qədər qalxır.
“Hərənin bir qaloşu var. 3 gündən bir kanalizasiya çəkirik. Pulumuz çatmır. Bu gün uşaqlar məktəbə getməyiblər. 25 ildir biz bu vəziyyətdəyik”, – deyə sakinlər şikayət edirlər.
“Azərsu” ASC-dən məsələ ilə bağlı bildirilib ki, mərkəzləşmiş kanalizasiya şəbəkəsi olmadığından yağış sularının kənarlaşdırılmasında problemlər yaranır. İnfrastrukturun qurulması mərhələli şəkildə həyata keçiriləcək.
