Bakının Buzovna qəsəbəsində dəniz sahilindəki qayaların böyük hissəsi zəbt olunaraq dağıdılır. Bununla bağlı qəsəbənin bir qrup sakini ölkə başçısına müraciət edib. Bu barədə məlumat 12 iyun tarixində sosial şəbəkələrdə yayılıb.
Bildirilib ki, qayaların ətrafına hasarlar çəkilir, onların yerində yeni tikililər ucaldılır, və nəticədə qayalar dağılır.
“Biz, qayalıqlarımızı səmimi qəlbdən sevən yerli sakinlər daha buna dözə, göz yuma bilmirik. Qayalıqlarımızın azadlığı üçün Prezidentə bu video vasitəsilə hesabat verir, dövlətin mülkiyyəti sayılan sahil zolağındakı qayalıqların azad olunması və dövlətin mühafizəsinə alınması üçün sərəncam verməsini xahiş edirik!” – müraciətdə deyilir.
Daha ətraflı videomaterialda:
