Öz bağ evində qıza qarşı zorlamaya cəhddə ittiham olunan, "Milyonçu Bəxtiyar Dali" kimi tanınan Bəxtiyar Qaraşov yenidən məhkəmə qarşısına çıxarılıb.
Sumqayıt Şəhər Məhkəməsində keçirilən iclasda onun ev dustaqlığına buraxılması ilə bağlı vəsatətə baxılıb. Məhkəmə vəsatəti təmin etməyib və barəsində seçilmiş həbs qətimkan tədbirini qüvvədə saxlayıb.
Xatırladaq ki, Bəxtiyar Qaraşov barəsində əvvəlcə 4 aylıq həbs qətimkan tədbiri seçilib. Daha sonra prokurorun təqdimatı əsasında bu müddət daha 2 ay uzadılıb.
İstintaqın məlumatına əsasən, 66 yaşlı Bəxtiyar Daliyə Cinayət Məcəlləsinin müvafiq maddəsi ilə ittiham irəli sürülüb. O, özünə məxsus bağ evində bir qıza qarşı zorlamaya cəhddə təqsirləndirilir.
Qeyd edək ki, Bəxtiyar Dali uzun illər Rusiyada yaşayıb. Özünün bildirdiyinə görə, hərbi mühəndis olub.
Mənbə: unikal.az
