Şirvanda 43 yaşlı Rafiq Nəsirov (şərti adla) həyat yoldaşına xəsarət yetirib.
Hadisəyə səbəb Bakıda universitetdə oxuyan qızlarının kirayə haqqı ilə bağlı yaranan mübahisə olub. Qadın ərindən aylıq kirayə pulunu ödəməsini istəyib, lakin kişi məbləğin çox olduğunu bildirərək etiraz edib.
Mübahisə zamanı Rafiq həyat yoldaşının ayağına plasmas boru ilə vurub, saçlarını yolub. Onları aralamaq istəyən qızını da döyərək divara çırpıb və üzünə sillə vurub.
Qadın DİN-in "102" qaynar xəttinə müraciət edərək ərindən şikayətçi olub. Təqsirləndirilən şəxs isə ifadəsində əməlindən peşman olduğunu bildirib.
Məhkəmənin qərarı ilə R. Nəsirov 6 ay müddətinə azadlığın məhdudlaşdırılması cəzasına məhkum edilib.
Mənbə: lent.az
