Ölkədə 1, 3 və 5 qəpikliklərə ehtiyac varmı? Bu haqda bu gün, 24 aprel tarixində Bakuplus.az AzTV-yə istinadən xəbər verir.
Belə ki, sözügedən nominalda olan pullar vətəndaşlar arasında çox istifadə olunmur. Buna səbəb isə o məbləğdə heç nə almağın mümkün olmaması göstərilir.
“Lazımsızdır. Heç bir faydası yoxdur. Heç üzərimdə belə gəzdirmirəm”, – deyə sakinlər bildirirlər.
Bundan əlavə, həmin qəpikləri müxtəlif terminallar belə qəbul etmir, bu da onlara tələbi daha da azaldır. Ekspertlərin sözlərinə görə, 1, 3 və 5 qəpikliklər istifadədən çıxarsa, inflyasiya qaçılmaz olacaq və qiymətlər artacaq.
“Əslində terminalların bu qəpikləri qəbul etməməsi də böyük amildir. Əgər terminallar bu qəpikləri qəbul etsə, vətəndaş da narahat olmayacaq, biləcək ki, sabah istənilən halda bu qəpikləri istifadə edəcək. Əgər ödəniş vasitəsi kimi Mərkəzi Bank bu qəpikləri qəbul edir və bunun qanuni dövriyyəsi tələb olunursa, ödəniş terminallarında da bunların istifadəsinə şərait yaradılmalıdır”, – deyə iqtisadçı ekspert Xalid Kərimli qeyd edib.
