Avtobusda sınıq pəncərəni bağlamaq üçün şüşədən deyil, sellofan torbadan istifadə edilib. Bunu əks etdirən videogörüntülər yayılıb. Bu haqda bu gün, 12 oktyabr tarixində Bakuplus.az ARB Xəbər-ə istinadən məlumat verir.
Görüntüsü yayılan avtobusun 198 saylı marşrut xəttinə aid olduğu iddia edilir. Lakin nəqliyyat şirkətindən bu məlumat təsdiqlənməyib. Bildirilib ki, xəttə tam fərgli növlü avtobuslar buraxılır.
Çəkiliş zamanı digər problem üzə çıxıb. Sərnişinlər ləngimələrdən narazı olduqlarını bildiriblər.
Sürücülər isə gecikmənin səbəbini yolların yararsız vəziyyətdə olması ilə əlaqələndirirlər. 198 nömrəli avtobusun dispetçeri də marşrut xətti boyunca yolların yararsız vəziyyətdə olduğunu və bu səbəbdən xəttə yeni avtobus gətirilmədiyini bildirib. O əlavə edib ki, yeni avtobuslar yalnız yollar təmir olunduqdan sonra xəttə buraxılacaq.
