Səbail rayonunun 20-ci sahə, Arif İsmayilov küçəsindən Elçin Əzizov, 11A ünvanına qədər olan 300 metr uzunluğunda asfalt örtüyünün olmaması problemi hələdə həll olunmayıb. Bu haqda bu gün, 17 avqust tarixində Bakuplus.az xəbər verir.
Küçə çuxur və iri daşlarla doludur. Sakinlər yayda tozdan, yağışda isə palçıqdan əziyyət çəkdiklərini bildirirlər.
Sakinlər payıza kimi bu problemin tezliklə həll etməsini tələb edirlər:
“Sentyabr ayında yağışlar başlayacaq, həmin bu yol palçıq olacaq. 300 metr yolu təmir etmək niyə belə çətin oldu axı?!”
Sakinlərin sözlərinə görə, bir neçə il əvvəl ərazidə asfalt çəkilib, amma küçənin orta hissəsi asfaltsız qalıb. Uşaqlar məktəbə getməkdə çətinlik çəkir, taksi xidmətləri isə küçəyə daxil olanda problem yaşayır.
Qeyd edək ki, Bakuplus 20-ci sahə sakinlərinin bu problemini aprel ayında işıqlandırmışdı və Səbail Rayon İcra Hakimiyyəti məsələni həll edəcəyini bildirmişdir.
View this post on Instagram
