Səbail rayonunda küçə yararsız haldadır. Bu haqda bu gün, 22 aprel tarixində Bakuplus.az-a məlumat daxil olub.
Bu hal 20-ci sahə, Arif İsmayilov küçəsindən başlayaraq Elçin Əzizov, 11A ünvanına qədər müşahidə olunur. Təxminən 300 metr yolda asfalt örtüyü yoxdur, küçə çuxurlarla, iri daşlarla doludur. Sakinlər yayda tozdan, yağışdan sonra isə palçıqdan əziyyət çəkdiklərini bildirirlər.
Onların sözlərinə görə, bir neçə il əvvəl bu ərazilərə asfalt örtüyü çəkilib, lakin bu küçədə işlər yarımçıq qalıb: əvvəlində asfalt var, sonunda var, lakin orta hissə asfaltsız qalıb.
“Bu ərazidə insanlar yaşayırlar. Yağışdan sonra küçədən keçə bilmirik. Uşaqlar məktəbə rahat gedə bilmirlər. Bu əraziyə taksi sifariş edəndə şəhər tərəfdən gəlir və avtomobillər bu küçəyə daxil olanda çətinliklə hərəkət edir. Hətta bir neçə taksi maşınının alt hissəsi zədələnib. Sürücələr bizə vəziyyətlə bağlı narazılıqlarını bəzən, hətta nalayiq ifadələrlə bildirirlər. Aidiyyəti qurumlardan xahiş edirik, bu məsələyə baxılsın. Paralel küçələrə asfalt çəkilib, lakin bizim küçə unudulub. Dəfələrlə müraciət etmişik, lakin bizim xahişlərimizə baxan yoxdur”, – deyə sakinlər qeyd ediblər.
[caption id="attachment_135865" align="alignnone" width="640"]
Foto Bakuplus.az[/caption]
[video width="1280" height="720" mp4="https://bakuplus.az/storage/photos/2024/04/video_2024-04-22_10-55-39_1_1.mp4"][/video]
