“20 Yanvar” dairəsi yaxınlığında avtobus dayanacağında xaos yaşanır. Bu haqda bu gün, 27 aprel tairxində Bakuplus.az ARB-yə istinadən xəbər verir.
Yolun “Şamaxinka” istiqamətində olan hissəsində avtobus dayanacağını göstərən nişan qoyulub, ancaq heç bir infrastruktur təşkil olunmayıb. Bu da xaotik vəziyyətə səbəb olur. Bundan əlavə, ərazidə şəxsi avtomobil və taksi fəaliyyəti ilə məşğul olan nəqliyyat vasitələri dayanacağı zəbt edir.
“Mən elə bilirəm, bura şəxsi dayanacaqdır. Kimin kefi necə istəyir, elə də hərəkət edir”, – deyə sakin şikayət edir.
Avtobus sürücüləri də maşınlarını tam olaraq harada saxlamaq lazım olduğunu bilmədiklərini deyirlər.
Yerüstü Nəqliyyat Agentliyindən məsələ ilə bağlı bildirilib ki, ərazidə avtobus dayanacağı quraşdırmaq üçün şərait yoxdur. Taksilərin və şəxsi avtomobillərin həmin dayanacağa daxil olan avtobuslara və sərnişinlərə problem yaratması ilə bağlı isə ciddi təbdirlər görülür və görüləcək.
