Bir müddətdir ki, 28 May metrosunun qarşısı, Cəfər Cabbarlı stansiyasının ətrafında təmir işləri gedir. Stansiyada aparılan təmir işləri iki istiqamətdə aparılır.
Stansiyanın yerüstü sahəsi sökülərək döşəmə daşları və beton plitələr yeniləri ilə əvəzlənir.
Yağıntı sularının təsirinin qarşısını almaq məqsədilə təmir-bərpa işləri çərçivəsində izolyasiya təbəqəsi yaradılır, yağıntının kənarlaşdırılması üçün drenaj sistemi qurulur.
"Cəfər Cabbarlı" stansiyasında yenidənqurma tədbirlərinin ikinci mərhələsində ona bitişik tunel yolunun bir hissəsində metropoliten tarixində ilk dəfə ağac şpalları dəmir-beton bloklar əvəzləyəcək.
Bundan əvvəl, metropolitendə aparılan yeniləmə işləri qismində “Həzi Aslanov – Dərnəgül” metro xəttinə 4 yeni qatar buraxılmışdır.
