Səbail rayonu, Bayıl qəsəbəsi, Neftçi Qurban küçəsi, 104 ünvanında sakin və sahibkar aylardır razılığa gələ bilmirlər. Bu haqda bu gün, 13 yanvar tarixində Bakuplus.az ATV-yə istinadən xəbər verir.
Belə ki, Araz Məmmədovun uzun illərdir yaşadığı və sahibi olduğu evin bir addımlığında söküntü işləri aparılan zaman evinin istinad divarı zədələnib, evdə çatlar əmələ gəlib. Bundan narazı olan ev sahibi dəymiş zərərin ödənilməsini və inşaatın bir az kənarda aparılmasını istəyir.
Sahibkar isə zədələnən divarın ortaq divar olduğunu və 20.000 AZN təzminat ödəməyə razı olduğunu qeyd edib. Ancaq ev sahibi buna razı olmayıb.
“Mənim istədiyim odur ki, 32 metr məsafədə dəymiş zərər düzgün hesablansın və mənə burada nə iş aparılacağı bildirilsin”, – deyə ev sahibi Araz Məmmədov bildirib.
Məhkəmə isə yalnız tərəflərin razılığa gəlməsindən sonra söküntü işlərinin aparılmasına icazə verib.
Ötən ilin 13 oktyabr tarixində sözügedən məsələ işıqlandırılmışdı. Tərəflər bu günə qədər ortaq məxrəcə gələ bilmirlər.
