ARTIM İncəsənət Mərkəzində yeni sərginin açılışı baş tutacaq. Bu haqda bu gün, 17 fevral tarixində Bakuplus.az mərkəzə istinadən xəbər verir.
“Məna kəsb etmir?!” adlı sərgidə böyüyərkən həqiqi “mənimizi” unudub, cəmiyyətin sifarişi üzrə “maskulin və feminen” qəliblərə uyğunlaşaraq onun statistik nümunəsinə çevrilmə haqda danışılacaq.
“Bu “çiskinli” kimsəsizlikdə boğularaq tənhalaşmalıyıqmı, yoxsa ətrafımızdakı “qanad çalan” azadlığı görüb hiss etməliyik?”, – deyə sərgi haqda bəhs edilir.
Əsərlər YARAT Rezidentura proqramının iştirakçıları, hər ikisi rəssam olan Fidan Nazim qızı və Ağaməli Əliyevə aiddir.
Tədbir 29 fevral saat 19:00-da İçərişəhər, Kiçik Qala küçəsi, 5 ünvanında keçiriləcək. Giriş sərbəstdir.
