Səbail rayonunun Badamdar qəsəbəsində su xətti çəkilib, amma yol bərpa edilməyib. Bu haqda bu gün, 16 fevral tarixində Bakuplus.az AzTV-yə istinadən xəbər verir.
Söhbət qəsəbənin 3-cü massivi, 52-ci küçəsindən gedir. Bura bir müddət əvvəl su xətti çəkilib. Ancaq su çəkilən zaman dağıdılmış yol bərpa edilməyib. Bundan əlavə, ana xəttin yenilənməsi zamanı sakinlərin evlərinə gedən borular da zədələnib.
“Podratçı şirkət dedi ki, biz edəcəyik, amma sakinlər öz hesablarına su borularını təmir edirlər. Yollarımızı da pis günə salıblar”, – deyə sakinlər şikayət edirlə
”Azərsu”dan məsələ ilə bağlı bildirilib ki, əgər qazıntı işlərini podratçı həyata keçirirsə, məhz o, yolları əvvəlki vəziyyətə qaytarmalıdır. Dövlət tərəfindən aparılan işlərdən sonra isə yollar mərhələli olaraq müvafiq qurumlar tərəfindən təmir olunur.
