Mövsümü olmayan meyvələrin satışı təhlükəsizdirmi? Bu haqda bu gün, 13 aprel tarixində Bakuplus.az ATV-yə istinadən xəbər verir.
Bakı bazarlarında hər növdə meyvələri il boyunca görmək mümkündür. Mövsümü olmayan meyvələrdən istifadə etmək nə dərəcədə təhlükəsizdir?
Vətəndaşların əksəriyyəti mövsümü olmayan meyvələri almaqdan çəkinsələr də, bəziləri tərəddüd etmədən bu meyvələri alırlar. Satıcılar isə tələbatın yüksək olduğunu vurğulayırlar.
“Şip-şirin bal kimidir. Müştərilər də gəlib alırlar”, – deyə satıcı bildirib.
Ekspertlərin sözlərinə görə, mövsümü olmayan meyvələr kimyəvi vasitələrlə parnikdə yetişdirilir. Bu da insan orqanizmi üçün zərərlidir.
“20 yaşa qədər olan orqanizm daim inkişafda olduğu üçün bu meyvələri yeyən həmin şəxslərdə hormonal balans pozulur. Bu da əqli cəhətdən inkişaf etməyən uşaqların dünyaya gəlməsinə səbəb olur”, – deyə sağlam qidalanma üzrə mütəxəssis Məhsəti Hüseynova bildirib.
