12-ci Bakı Beynəlxalq Qısa Filmlər Festivalı noyabrın 12-dən 16-dək keçiriləcək. Film qəbulu 25 avqustda bitəcək.
Gənc rejissorlar 35 dəqiqədən çox olmayan qısa filmlərini xüsusi “Cinemobil” bölməsinə göndərə bilərlər. Film müəllifləri üçün yaş həddi 35 təyin edilib.
Müsabiqədə “Ən yaxşı bədii film”, “Ən yaxşı sənədli film”, “Ən yaxşı animasiya filmi”, “Ən yaxşı sosial çarx” nominasiyaları üzrə “Qızıl Nar” və pul mükafatı nəzərdə tutulub. Ümumi mükafat fondu 5000 manatdır.
Festivala göndərilən materiallar Seçim Komissiyası tərəfindən qiymətləndiriləcək. Festivalın yekun proqramı noyabrın 1-də açıqlanacaq.
11-ci Bakı Beynəlxalq Qısa Filmlər Festivalı 2020-ci ildə Covid-19 pandemiyası səbəbindən onlayn formatda baş tutub.
